Transcription

Monseigneur, jay receu la letre quil vous a pleu mescrire par la voye

de monsieur de Chasteauneuf, et par luy mesmes je vous ey escrit. Despuis

il n’est survenu chose de nouveau, sinon que lennemy tire tout ce qu’il

peut de forces pour aller en Valentinois de ses montaignes, de Serre

Volpierre et chasteaux circonvoysins. Il y a aujourdhuy quatre

jours que passèrent envyron soixante ou quatre vintz arquebuziers

à pied et quarante chevaux venantz de Menerbe, et de la Provence ;

disent, an leur comuns devis parmy les villageois, qu’ilz ne trouvent

an leur entreprinse que une petite difficulté qu’est du lieu où ilz

pourront passer L’Yzère et que dans peu de jours ilz espèrent

avoir combatu voz forces ; ont tenu an alarme ceux de St André de

Royans, menassant de les venir assieger, faisant referé lez chemins

de Serre pour passer leur artillerie qu’ilz disent avoir fet audit

lieu de Serre, mès un mulet porteroit aysement lesdites pièces, et St

André nest pas aysé à forcer. Ilz menassent, de crainte qu’ilz aient que

la garnison de St André ne les empescha de passer pour s’assembler.

Par ces braveries, ilz cuydent estonner le povre peuple au quel il nest

plus permis de travailler au champs, soubz la peyne d’estre tué ou fet

prisonier, et continuent tellement leur extorcions que un symple

belistre de leur party arransonnera un povre peysan de vinct ou

trente escuz pour s’acheter un cheval, et à faute de ce, menassent

de mettre le feu à la mayson ou à la grange. Monsieur de Montlehuc

ny le tresorier ne vindrent pas jusques an ce lieu pour fère ma monstre

du moys de fevrier ains, estantz à Myrebeau se contentèrent descrire à

monsieur de Monguers pour fère ladite monstre et fournir le payement,

mès il n’avoit pas de quoy. Toutesfois avec ce que la ville presta il me

fit mon payement à cent trente trois livres près, lesquelles parties se

rambeourceront sur les premiers deniers quil recevra de ceux qui doyvent

ancor. Mès, estantz les lieux trop esloignés, il n’a eu moyen de les recouvrer.

Maintenant je ne scay où prandre argent pour le payement de ce moys

s’il n’y est

[barré : pour]

proveu par vous, monseigneur, et si je le dois aller querir

scaichant que ce soit au Montelliemar ou autre lieu, je ne ferey

[21B]

faute de m’y acheminer et en atendent voz comendementz, je prierey

Nostre Seigneur vous donner,

monseigneur an parfète santé, très longue et très heureuse vie. Du

Buys, ce XIIe jour de mars 1574

Vostre très humble et très obeissant

serviteur

A. de Sainct Auban

Texte diplomatique

[1] Monseigneur, jay receu la letre quil vous a pleu mescrire par la voye [2] de monsieur de Chasteauneuf, et par luy mesmes je vous ey escrit. Despuis [3] il n’est survenu chose de nouveau, sinon que lennemy tire tout ce qu’il [4] peut de forces pour aller en Valentinois de ses montaignes, de Serre [5] Volpierre et chasteaux circonvoysins. Il y a aujourdhuy quatre [6] jours que passèrent envyron soixante ou quatre vintz arquebuziers [7] à pied et quarante chevaux venantz de Menerbe, et de la Provence ; [8] disent, an leur comuns devis parmy les villageois, qu’ilz ne trouvent [9] an leur entreprinse que une petite difficulté qu’est du lieu où ilz [10] pourront passer L’Yzère et que dans peu de jours ilz espèrent [11] avoir combatu voz forces ; ont tenu an alarme ceux de St André de [12] Royans, menassant de les venir assieger, faisant referé lez chemins [13] de Serre pour passer leur artillerie qu’ilz disent avoir fet audit [14] lieu de Serre, mès un mulet porteroit aysement lesdites pièces, et St [15] André nest pas aysé à forcer. Ilz menassent, de crainte qu’ilz aient que [16] la garnison de St André ne les empescha de passer pour s’assembler. [17] Par ces braveries, ilz cuydent estonner le povre peuple au quel il nest [18] plus permis de travailler au champs, soubz la peyne d’estre tué ou fet [19] prisonier, et continuent tellement leur extorcions que un symple [20] belistre de leur party arransonnera un povre peysan de vinct ou [21] trente escuz pour s’acheter un cheval, et à faute de ce, menassent [22] de mettre le feu à la mayson ou à la grange. Monsieur de Montlehuc [23] ny le tresorier ne vindrent pas jusques an ce lieu pour fère ma monstre [24] du moys de fevrier ains, estantz à Myrebeau se contentèrent descrire à [25] monsieur de Monguers pour fère ladite monstre et fournir le payement, [26] mès il n’avoit pas de quoy. Toutesfois avec ce que la ville presta il me [27] fit mon payement à cent trente trois livres près, lesquelles parties se [28] rambeourceront sur les premiers deniers quil recevra de ceux qui doyvent [29] ancor. Mès, estantz les lieux trop esloignés, il n’a eu moyen de les recouvrer. [30] Maintenant je ne scay où prandre argent pour le payement de ce moys [31] s’il n’y est

[barré : pour]

proveu par vous, monseigneur, et si je le dois aller querir [32] scaichant que ce soit au Montelliemar ou autre lieu, je ne ferey [33] [21B] [34] faute de m’y acheminer et en atendent voz comendementz, je prierey [35] Nostre Seigneur vous donner, [36] monseigneur an parfète santé, très longue et très heureuse vie. Du [37] Buys, ce XIIe jour de mars 1574 [38] Vostre très humble et très obeissant [39] serviteur [40] A. de Sainct Auban

Lettre:	1626
Texte:
Ligne:
logged as :	Login First

Consultation

Transcription

Texte

MetaDonnées

Laisser un signalement sur le texte